fbpx
822 8356 bongo@bongo.is

Bongo Design hefur verið starfandi síðan 2005 í umbroti, hönnun og skipulagningu/uppsetningu vefsíðna.

Á bak við Bongo Design er Kristín Jóna, grafík- og vef kúnster. Hún nam Grafíska miðlun við gamla Iðnskólann í Reykjavík, margmiðlun við Margmiðlunarskólann og hefur lokið námslínunni Stafræn markaðsetning og viðskipti á netinu við Opna háskólanum í HR. Kristín starfaði lengst af sem grafíker/vefstjóri hjá Námsmatstofnun/Menntamálastofnun, sem vefstjóri Bóksölu stúdenta, einni stærstu vefverslun landsins og nú sem framleiðslustjóri í prentsmiðju. 

Ummæli

Ég hef margoft unnið með Kristínu Jónu að margskonar verkefnum í gegnum tíðina og vinnur hún ávallt af miklum metnaði og fagmennsku. Þar að auki er hún sérstaklega hugmyndarík. Kristín er aðgengileg og gott er að vinna með henni. Ég mæli með Kristínu í hverskonar verk á hennar sérsviði.
Jóhanna Ella Jónsdóttir

Mannauðsstjóri og ráðgjafi

Við fengum Kristínu Jónu til að setja upp fyrir okkur ársskýrslu embættisins fyrir árið 2017. Hún tjáði okkur að umbrot skýrslu væri eitt af hennar skemmtilegustu verkefnum og það skein í gegnum hennar starf. Hún er öguð í vinnubrögðum, kom með margar góðar og fallegar lausnir á og var í mjög góðum samskiptum við okkur allan tímann. Hún svaraði öllum ábendingum frá okkur fljótt og vel og það var skemmtilegt að eiga við hana samskipti. Hún er mikil fagmanneskja og við vorum virkilega ánægð með afraksturinn.

Eðvald Einar Stefánsson

Sérfræðingur, Umboðsmaður barna

Við höfum notið krafta Kristínar Jónu síðan 2011. Höfum átt mjög þægilega og skilvísa  samvinnu. Hún skilur þarfir viðskipavinarinns og getur útskýrt hluti fyrir manni á mannamáli. Við mælum hiklaust með henni.
Kristín Ásgeirsdóttir

Eigandi, Yndisauki

Um árabil hefur Kristín Jóna séð um umbrot og birtingu fræðigreina í Netlu – veftímariti um uppeldi og menntun, fyrir Menntavísindasvið Háskóla Íslands. Hún er þægileg í samskiptum og bregst fljótt og vel við öllum beiðnum og fyrirspurnum. Kristín Jóna hugsar fyrir því sem við áttum okkur ekki á og kemur með sniðugar uppástungur og góðar lausnir.

Katrín Johnson

Verkefnisstjóri, Menntavísindastofnun Háskóla Íslands

Bongo Design (Kristín Jóna) setti upp heimasíðuna okkar. Snögg og fagleg vinnubrögð og svo kom hún með frábærar hugmyndir sem gera síðuna einfalda og mjög fallega. Hefur einnig komið að útliti á sálmaskrám útfararstofunnar.
Harpa Heimisdóttir

Eigandi, Útfaraþjónusta Hörpu

Kristín Jóna hefur unnið að grafískri hönnun margra verkefna sem ég hef tengst, bæði málörvunarefnis og ýmiss konar prófgagna. Hún er flottur fagmaður og kemur oft með mjög skemmtilegar lausnir varðandi hönnun og umbrot. Einnig er hún mjög þægileg í samskiptum og er aldrei neitt mál að breyta og laga útfærslur samkvæmt óskum viðskiptavina.

Bjartey Sigurðardóttir

Talmeinfræðingur og verkefnisstjóri

Kristín Jóna Þorsteinsdóttir setti upp heimasíðu mína fyrir mörgum árum og gerði það af dugnaði og smekkvísi, sbr. síðuna mína Hún hefur líka verið ólöt við að reka á eftir tíðindum til að bæta inn á síðuna og þannig sýnt árvekni sem mér sjálfum er ekki í blóð borin.

Tómas R. Einarsson

Tónlistarmaður, Tómas R.